7-to Mashkarthemutno Festivali e Romane Filmesko
23.–29.10.2023
BABYLON & Grüner Salon, Berlin
Zoralipe te sunyare: 7-to Mashkarthemutno Romane Filmesko Festivali AKE DIKHEA? (23to – 29to Oktobro 2023) kergyola talo moto “Dekolonizin e imaginacia!”
Arteski lumia buderi manushendar dikhyola sar khetanipe e tromalipasko, imaginaciako sar resursi e infinit shaipyengo. Ano filmi, pe paramisya, ano ekrani ose ano Teatro, dikhyola kay sah si shayutno te reslol.
Numay kana avla o alav pe Roma, e imaginacia but sig resela olake limitya, phiravdi kotar shelbershenca lugo procesi e yaveripasko thay kolonizipasko ki godi e amalipasko. Ni o autorya e Mashkar Vahtesko ni o Hollywood ose Walt Disney olenga 100 bershuna historian a imagininde te kreirinen individualune, pozitivune thay komplkesune narativune romane karakterya. Thay, in isos eo Roma kerde buti sar aktorya sar e vahtestar kana iklisto o filmesko medium, olengo reprezentipe ulo yekh satbiluno resursi e stereotipesko. O anglokrisipe kolenca arakhnape o Roma pe olengo sakodivuno jivdipe si sherunipea phangle olenge reprezentipea ano ekrani.
Numay o filmi hsya te kontribuinel pe maripe thay nakhavipe e Anticiganizipasko ani aktualuni kolektivuni kulturaluni memoria. Na si numay vash o reprezentipe ano ekrani ose te ushargyon o Roa sar phiravne e avruna lumiako. pe ayni vaht adikarla kontrola e narativeski.
Akava bersh, AKE DIKHEA? sile 20 filmya pe program vash te sikavel sar o filmeske kerutne lena olengo mothavipe pe olenge vasta. Talo moto “Dekolonizin e imaginacia”, o festivali lelape e fundamentalune puqipyenca vash e artistikuni produkcia thay reprezentipet: Sar shay te nakgava o limitya e imaginaciako kana si o alav vash o Romane manusha, kana o gndipasko procesi phiravdilo shelbershenca kotar o kolonizipe ani godi e amalipasko? Si mi shaipe vash te iklolpe kotar o sistematikuno racizmo? Shay o artistikuno reprezentipe e romengo, maybaro etnikuno minoriteti ani Evropa, te ovel bi nakhlo palem pe racistune stereotipya? O rezultatya si buderi kompleksune, mahatne mothavipya kola sikavena ini e losh ini e dukh e eksperiencako e Romane manushengi.
Amen jana kay o strukturalune forme e ushkavipasko nashti te diskutingyon bi adresim intersekcionaliteti thay seksizmo: Amaro filmengo program reflektinla akava prekal o filmya kola fokusingyona pe LGBTQI thay reprezentipe e Romane juvlengo ano filmya.