AKE DIKHEA? FESTIVALI E ROMANE FILMESKO

19 – 23 Novembari 2020
Online

AKE DIKHEA? si yekh mashkar themutno festivali e Romane filmesko pesuroe ko novembari 2020 ano Berlini. Prezentinla e Berlini, Germania thay e lumia prekal e perspektiva e Romane manushengi: Kola filmya may shukarre prezentinena e Romen, kola si may mahatne teme, sar o Roma dikhena korkore peste, sar on mangena te oven dikhle?

Palo baro gendo e proyektengo vash “deipe e Romane manushenge than vash mothavipe e pere mothavipyengo” akana yaverina o khelipe: Na manga tekera nays vash deipe e avazesko. Amen manga te kreirina amaro than thay te decisina korkore phanglo e festivaleski forma thay andripe.

 

BAZIKUNI SELEKCIAKI PROCEDURA

O festivali AKE DIKHEA? si unikat vash oleski bazikuni selekciaki procedura – nays amare buhlele deipakso e (Romane) filmeske producentyenca truyal e sah lumia, amen shay te arakha manushen, teme thay perspektive, kola pe yaver dromaqhona bi sikavde, kola shay silen numay lokaluno ose nacionaluno impakti. E procedura si but sah astardi (inkluzivno):

Mashkar yekhto Julesko  thay 9-to Avgusti 2020, amen keda filmeske propozalya kotar o verver Romane komunitetya, akterya ose individya. Angluno vakti Avgusteske, yekh mashkar themutni komisia – Romane thay na-Romane filmeske profesionistya kotar e Germania thay yaver lumiake rashtre – ka arakhlon ano Berlini vash te diskutinen may but 50 filmya kola angle selektisale kotar artesko direktori Hamze Bytyçi thay te alosaren pashe 10-20 harne filmya kola kasikavgyon ano festivali.

Filmya e savore kategorienge thay lugipaske akceptingyona. Numay o filmya kotar Romane thay na-Romane producentya e may uqe nivelea e kritikalune reflektipasko pe stereotipya pedral o Roma ka oven akceptime.