KHARIPE VASH FILMYA

Vash o savore Roma, Sinti, Kale, Kalderash, Lovara, Lalleri, Ursari, Beash, Manouches, Askali, Aurari, Romanichals, Droma, Doma, Gypsies, Travellers thay vash savore Romane grupe ani lumia…

Roda filmya, kote o Roma, Sinti thay yaver Romane grupe shay te identifikingyon olenca. Akava shay ovla filmya kotar o Romane sar vi kotar o na Romane filmeske producentya kola qalavna o jivdipe e Romane manushengo ani Evropa thay kritikipea reflektinena pe realiteti.

Shaipe vash filmesko registripe:

FilmFreeWay: https://filmfreeway.com/AkeDikhea
Form: http://bit.ly/akedikhea2018
ose prekal e-mail: info@romatrial.org

Agorutni data vash propozalya:
Luya, 15to Oktobri 2018 (sah o dive)

 

Angluni informacia

AKE DIKHEA? si korkoro organizimo, mashkarthemutno festivali e Romane filmesko kova ka adikergyol ko Decembri e bershesko 2018 ano Berlin. Prezentinla e Berlini, Germania thay Evropa prekal e perspektiva e Romane manushengi: Prekal kola filmya shun aka reprezentingyova, kola teme si mahatne, sar dikha amende, sar manga te dikhlova? Na manga te ajukera daykho te del amenge avazo. Amen manga te kreirina amaro than thay te decisina korkore phanglo e festivaleski forma thay andripe.

O festivali phiravgyola kotar RomaTrial e.V. – Transkulturaluni organizacia e Romane thay na-Romne manushengi pe ledeipe e Moviemento – Germaniako Maypurano Kino finansirimo kotar Berliner Senatsverwaltung für Kultur und Europa.

 

Selekciaki procedura

AKE DIKHEA? Romane Filmesko Festivali si unikat vash oleski bazikuni selekciaki procedura – nays amare buhlele deipakso e (Romane) filmeske producentyenca truyal e sah Evropa, amen shay te arakha manushen, teme thay perspektive, kola pe yaver dromaqhona bi sikavde, kola shay silen numay lokaluno ose nacionaluno impakti. E procedura si but sah astardi (inkluzivno):

Mashkar 20to Septembri thay 15to Oktobri, amen keda filmeske propozalya kotar o verver Romane komunitetya, akterya ose individya.

Ko maskar e Oktobresko 2018, yekh mashkar themutni komisia – Romane thay na-Romane filmeske profesionistya kotar e Germania thay yaver evropake rashtre – ka arakhlon ano Berlini vash te diskutinen may but 50 filmya kola angle selektisale kotar artesko direktori Hamze Bytyci thay te alosaren pashe10 harne filmya kola ka sikavgyon ano festivali.

Filmya e savore kategorienge thay lugipaske akceptingyona. Numay o filmya kotar Romane thay na-Romane producentya e may uqe nivelea e kritikalune reflektipasko pe stereotipya pedral o Roma ka oven akceptime.

 

Propozalengo godideipe

  • Numay individya ose organizacie kola defininena peste sar Romane shay te propozinen o filmya.
  • Numay o filmy akotar Romane thay na-Romane producentya e may uqe nivelea e kritikalune reflektipasko pe stereotipya pedral o Roma ka oven akceptime.
  • Registripaski forma vash sakova filmi musay te phergyol – amen da phikodeipe vash akava.
  • Na si aplikaciako pokipe.
  • Shay dengyona harne thay luge metrazhake filmya, savore kategorie si akceptime.
  • Na si shay utno videosko deipe vash publikuno dikhipe ose keripe download bizo pokipe.
  • Na si restriksie phanglo e bershea kana kerdilo o filmi.
  • Sakova manush shay propozinela may but 5 luge thay 10 harne filmya.
  • Te sine kay e vakaripaski qhib ano filmi na si anglikani, o video musay te therel titre pe anglikani qhib. Amen shay da phikope translaciape anglikani qhib, te sine kay manglola.
  • Na akceptina bi agorime verzie – numay finalno verzie e videonge kola sigatisarde te prezentingyon ko Festivali shay biqhalgyona. Nashti dengyola nevi verzia e videoski palo finalno biqhalipe thay palo vahti.

 

Kharipe vash filmya:

Deutsch
English
česky
Magyar
Romani
русский
yкраїнський