AKE DIKHEA? FESTIVALI E ROMANE FILMESKO

19 – 22 Oktobri 2017
Moviemento, Berlini, Nemacka

AKE DIKHEA? si yekh mashkar themutno festivali e Romane filmesko pesuroe panjto bershesko e inauguraciako e Memorialesko e Sinti thay Romane Viktimengo e Nacionalune Socializmesko ko oktobri 2017 ano Berlini. Prezentinla e Berlini, Germania thay Evropa prekal e perspektiva e Romane manushengi: Kola filmya may shukarre prezentinena e Romen, kola si may mahatne teme, sar o Roma dikhena korkore peste, sar on mangena te oven dikhle?

Palo baro gendo e proyektengo vash “deipe e Romane manushenge than vash mothavipe e pere mothavipyengo” akana yaverina o khelipe: Na manga tekera nays vash deipe e avazesko. Amen manga te kreirina amaro than thay te decisina korkore phanglo e festivaleski forma thay andripe.

 

BAZIKUNI SELEKCIAKI PROCEDURA

O festivali AKE DIKHEA? si unikat vash oleski bazikuni selekciaki procedura – nays amare buhlele deipakso e (Romane) filmeske producentyenca truyal e sah Evropa, amen shay te arakha manushen, teme thay perspektive, kola pe yaver dromaqhona bi sikavde, kola shay silen numay lokaluno ose nacionaluno impakti. E procedura si but sah astardi (inkluzivno):

Mashkar 21-to Augusti thay 17-to Septembri, amen keda filmeske propozalya kotar o verver Romane komunitetya, akterya ose individya. Mashkar 22-to thay 24-to Septembri 2017, yekh mashkar themutni komisia – Romane thay na-Romane filmeske profesionistya kotar e Germania thay yaver evropake rashtre – ka arakhlon ano Berlini vash te diskutinen may but 50 filmya kola angle selektisale kotar artesko direktori Hamze Bytyci thay te alosaren pashe 10 harne filmya kola kasikavgyon ano festivali.

Filmya e savore kategorienge thay lugipaske akceptingyona. Numay o filmya kotar Romane thay na-Romane producentya e may uqe nivelea e kritikalune reflektipasko pe stereotipya pedral o Roma ka oven akceptime.