Festivaleski Komisia

© Arturconka/ unframe

Artur Conka si Englezi, biyamo ani Slovakia, fotografi thay filmesko kerutno. Studirangya e fotografia ano Derby University thay dengya siklipe pe Romengo reprezentipe ano medie ko Huddersfield University. Alo ani Britania ko 1998 sar 8 bershuno thay sarsakana mangla te iranelpe pe olesko biyamo than ani eks Czechoslovakia thay te dokumentinel o truyal, thay may vasno, e manushen ko Luník IX kherengo beshipe ano Košice, Slovakia, kote ov nakha disave bersha e oleske jivdipasko palo olesko may tragikuno ulavipe ano geto ani Slovakia. Odoleske ko bersh 2012, ov kreiringya o harno filmi Lunik IX. Artureski buti sikavdili ko ververutne mashkarthemutne publikacie sar si the Huffington Post, The Independent, Vice Magazine, Foto8 Magazine, Vas.Cas.Sk, Creative Boom, Lab Kultur TV Magazine, thay Derby Evening Telegraph. Ko palune shov bersha, kergya buti sar mediengo producenti ani kreativuni mediengi industria. Sar fotografiako rejizeri, ov pe ayni vaht kergya buti e biumlavde filmeske rejiserea kova lela poqin Jasmine Dellal, mashkar but yaver, ko bersh 2017 som-lugipea dokumentari vash Brexit vash Spring Pictures.

 

© Jutta Pohlmann

Katalin Gödrös

si rejisera, filmeski producenta thay hramarni. Biyasali ano Zürich thay studiringya produkcia ani Filmeski Akademia ano Budapest. Desar kay kergya buti sar produkciako menajeri vash kinematografiake filmya, oy korkori kergya disave harne filmya thay pe ayni vaht kergya buti e

ZDF-eske Das Kleine Fernsehspiel’ ano olako angluno filmi “MUTANTEN“, kova dendilo sar premiera ani Berlinale ko bersh 2002. Olako duyto filmi, “SONGS OF LOVE AND HATE” sikavdilo ko bersh 2010 ani Mashkarthemutni Kompeticia ano Locarno Premiere, thay publikisalo ano anglo yevend thay yevend ko bersh 2011 ko Shaycariake thay Germaniake bioskopya. Som e Hugo Film GmbH, adaptingya e pustik “TAUBEN FLIEGEN AUF” kotar Melinda Nagy Abonji (Germaniaki Pustikaki Poqin 2010) ano filmi.

Kotar o bersh 2009 ji 2011 kergya buti sar artistikuno direktori vash Cinema Total ko Collegium Hungaricum Berlin,pe ayni vaht vash Pitch Stop ji ko bersh 2011, sar vi ko Collegium Hungaricum. Talo olako phiravipe temelisali Mashkarthemutni Romane Filmeski Komisia ko bersh 2012. Dela siklipe ani Germaniaki Filmeski thay Televiziaki Akademia ano Berlini sr e bershstar 2012.

IN ABSENTIA” kergya te lel stipendia kotar Binger Film Lab ano Amsterdam thay Shvayzaciake Kreatorengo Amalipe. O proyekti alosardilo vash Équinox. O adaptipe e “DAS VERSCHWINDEN

DES PHILIP S.” kotar Ulrike Edschmid finansisalo kotar Federal Raipasko Komisioneri vash KUltura thay MEdie thay akana sip e finansipaski faza, sar vi o produktipe e “JACOBS ROSS” kotar Silvia Tschui, bioskopesko proyekti produktimo kotar TURNUS Film GmbH. Vash Shvaycariaki televizia, ko palune trin bersha oy rejiringya trin sezone e seriake “DER BESTATTER “, nashle manushengi drama “Im Nirgendwo“, thay krimeske serie “Ausgezählt” (Publikipe 2019).

 

Éva Kalla si filmeski kerutni, hramarni thay edukatora kotar Hungaria. Oy studiringya medie thay mashkarthekutni komunikacia ko University of Szeged sar vi e teologia ko J. Wesley Pastor Training College. Kotar o 1970 ji ko 1990, kergya buti sar edukatora, maybut e romane ternenca, sar eksperti pe romani kultura thay historia ani Hungaria. Kotar o bersha 1990 ji 2003, oy kergya buti vash Hungariaki Televizia sar rejisera, mashkar yaver ko portret serie The Lord loves the Righteous People. Kotar o bersh 2005 ji 2010, oy sine jeno e ORTT, rovlaripasko komiteti e Nacionaluna Radio Televiziako. Ko bersh 2009, Éva Kalla temelingya o Romano Filmesko Festivali ano Budapest, kova organizingyola sakova bersh sar odole vahtestar. Oy hramingya buderi edukipaske filmya thay teatralune khelipya, oy rejiringya o dokumentaruno filmi Respect for Gypsy Mothers (2011) thay kotar 2014 ji 2017, kergya buti sar eksperti thay hramarni ko Nacionaluno TEatro ani produkcia khardi 371 Csillag (371 Qerenya), ko sure e Romane Rezistenciake Divengo.

 

© Stephanie Ballantine

Candis Nergaard si aktora thay hramarni kotar Kent, Engleska. Oy trenirisali sar metodaki aktora ko phiravipasko Dartington College of Arts and Giles Foreman Centre for Acting ano London. Palo debutipe e filmeska performansa pashe o Tom Hardy ano Stuart: A Life Backwards, oy kergya buti buderipea ano filmi, televizia, radio, thay ani skena. Candis Nergaardake kreditya diklarna Grantchester (TV) pashe James Norton; White Chamber (filmi) pashe Oded Fehr, thayBrecht’s Fear and Misery in the Third Reich (skena). Oy pe ayni vaht khelgya phiravipaski rola ano kritikaluno penjardo BBC produkcia e Carmen, thay nominisali vash BBC-eski Mayshukar Aktoraki Poqin ko bersh 2012. Candis Nergaard kergya buti pashipea e Dan Allumeske Romane Teatroska Kompania, khelipea thay som hramipea The Yellow Dress (BBC Radio) thay Atching Tan (Aqhavipasko than), BBCeski angluni drama serie kerde kotar thay vash o roma. Oy pe ayni vaht kergya buti sar Romana qhibyaki thay kulturaki godideyutni ko Peaky Blinders (serie 3 thay 4, BBC TV) thay Glue (E4 TV). Ko palune qhona, oy khelgya ko turipaske teatroski produkcia, Carmen the Gypsy, khelipea e sheruni rola e Carmen, pe ledeipe e Romana Teatraluna Kompania.

 

Pablo Vega si filmesko rejiseri thay vizualuno artisti kova fokusingyola ano emocie thay shunipya kola transmetingyona prekal oleske imazhya. Ov phenela kay te ove rom dela oleski unikatno dikhipe pe sheya. Ov sile bachelor niveli ano Multimedialune Tehnologie thay Dizayni kotar University of San Francisco thay Master niveli ani realizacia thay na-linearuni montazha kotar CEV, Escuela Superior de Comunicación, Imagen y Sonido ano Madrid. Ko bersh 2012, Pablo Vega lela poqin sar Terni Kreatori kotar Gypsy Culture Institute phiravdi kotar Shpaniaki Ministria vash Kultura, ko bersh 2013 ov pe ayn vaht lela poqin vash oleski arteski buti kotar autonomyuno Gypsy Komuniteti ano Madrid. Ko bersh 2003 temelingya piri produkciaki kompania Dika-Audiovisual, kote kergya buti sar fotografi, producenti thay montazheri vash reklamake kompanie, dikhlaripea vi Londonize by Beefeater (Mr. Goldwind Agency, 2006-2015, koya lela poqin Golden Sun ko Bilbao International Advertising Festival), Beat a Guinness Record (Bacardi, Marketing Agency in the Box, 2008), L’Oreal Professionnel España (Flow Agency, 2003-2008), HBO Spain (2016), thay Adidas Real Madrid (2017), mashkar but yaver. Oleska pasia vash audio-vizualuno arti, Pablo Vega kergya muzikake video vash penjarde grupe sar si Flamenco group Ketama (O ilo na sile rang – rejia, direkcia thay montazha, 2005) thay Camerata Flamenco Proyekti (Entre corrientes – direkcia thay montazha, 2009), sar vi vash legenraduni rok grupa “The Enemies” (Intelligent Life). Ko bersh 2010 dengya e premiera e anglune filmeski Romnia: Huesca Gypsy Women, portreti e romana juvlako, kova lela poqin ko Tikinó Festival ani Granada. Ko bersha 2010-12 Pablo Vega ledeingya sar direktori thay editori ano dokumentari Africa the Beat kotar kolektivi Samaki Wanne, so reflektivla e omni prezenca e muzikaki thay olake ritmengi thay melodiengi ko sakodivuno jivdipe e Wagogo jenengo ani Tanzania. Aktualipea jivdinela ano Madrid thay kerla buti sar tromalo butikerno vash buderi producentya thay marketingoske agencie.