PUTERDO KHARIPE VASH PROYEKTYA: AKE DIKHEA? 2020 DOC PROJECT LAB

Agorutni data: 30 Septembri 2020

AKE DIKHEA? FestivalI e Romane Filmesko publikinela o kharipe vash Doc Project Lab, yekh ekskluzivuno mentorengo workshopi. Roda 3 filmeske producenten ose filmeske ekipe e zorale kreativune dokumentareske proyektea ko bilo savo bajako e produkciako (kotar evolviripe ji ko qhinipe) kola rodena maylulo phikodeipe kay te evolvirinen poro filmi e ekspertenge phiravipea.

 

Aplikaciake mangipya:

Angle thay mayangle roda dokumentarune filmya kola kritikipea reflektinena ko realiteti e diskriminiaciako e romana populaciako ani lumia. Rejiserya ose producentya kola si roma si preferime. Amen akceptina aplikacie vi ktoar filmeske kreatorya kotar yaver peripe kola mothavna mothavipya vash marginalizime grupe kotar intersekcialuno, anti-racistuno, kritikuno thay/ose feministuni perspektiva.

 

Mentoripe e workshopesko:
O program Doc Project Lab sile mentoripaski sesia ko 21-to Novembri 2020 ano Berlini akale ekspertenca:

  •  Andrea Kuhn (Festivalesko Direktori, Nuremberg International Human Rights Film Festival)
  •  Miriam Carbe (Regulipasko redaktori, ZDF/Arte)
  • Alex Tondowski (Producenti, Tondowski Films)

Tumen ka prezentinen tumaro proyekti trailerea thay ka den yekh na publikuni prezentacia thay ka len komentya thay godi (missal, vash tumaro mothavipe, traileri, vakeripe, finansipe, PR, marketing, palo- produkcia, legaluno, filmesko festivaleski ose ulavipaski strategia). Sakova proyekti ka lel 30 minutengi sesia e sah ekspertenca.

 

Aplikacia:

Vash te aplikinen, ruyjinatumen pheren e forma akate here!

  • Agorutni data vash aplikipe: 30-to Septembri 2020
  • Rezultatengo publikipe: 15-to Oktobri 2020

 

So rodlape thay kosto

Vash te len kotor ko Doc Project Lab, janipe e anglikana qhibyako si musay. O workshop si bizo pokipe vash kotorleyutne. Amen ka uqhara vi transportesko kosto ji 150 Euro thay ka sigurina akomodipe vash yekh rat vash yekh proyektesko jeno (rejiseri ose producenti).

 

Bajakya mamuy Korona

Doc Project Lab ka lel kotor pe pashipe e lokalune politikenca kola adikergyona ko Berlini ko vahti e festivalesko. Te sine kay avla ji pe karantina, amen ka ofertina mentoripasko workshopi alosarde kotorleyutnenge prekal o Zoom.
__________

 

Te sine kay situmen varesavo puqipe phanglo e aplikacia ruyjinatumen hraminen amenge ko canan.turan@roma-filmfestival.com

Ajukera tumare shukar aplikacie! Suksesi!

AKE DIKHEA? Festival of Romani Film
Canan Turan
Events & Guest Management
Email: canan.turan@roma-filmfestival.com
Mobile: +49-1771564118

 

PDF