Jury 2019

(c) Stephanie Ballantine

László Farkas khardo Gypsyrobot si Hungariako mediako producenti, DJ thay aktivisti vash Roma thay LGBTI. Ov si sheruno organizatori e Romana LGBTI grupako vash Budapeski Parada. Ov temelingya thay si redaktori e homoseksualune Romane mediake proyektesko khardo “QRTV Europa”. Ko bersh 2014, lela e Usharipaski Certifikata kotar Dr. Varga Jozsef Hungariako Inkuraipasko Programi vash Ruraluno Talenti sar “misalaka karierako starteri”. Mashkar o bersha 2015 thay 2017, sine jeno e online komisiako vash digitalune mediengo poqin vash uqi Hungariaki kreativune komunikaciaki magazina, Kreativ.hu. László Farkas nominisalo vash Hungariako Roma Press Center Poqin khardi “Aranypánt-díj” koya dengyola suksesune Hunragiake romane ternenge. Ko bersh 2018, sine yekh e artistendar e Angluna Romana Bienalako ano Berlin.

 

Gilda-Nancy Horvath si zhurnalista, digitalune mediengi producenta thay artista, hramarni, entreprenera thay konsulenti. E Lovara-Romni biyasali ani Viena, kote shrdingya te kerel buti ko direktune niveleste proyektya vash Romano komuniteti. Mashkar o bersha 2005 thay 2015, kergya buti sar zhurnalista, moderatorka thay TV – producenti vash Nacionaluni Publikuni Televizia ORF ani Austria. Mashkar akava vahti oy studiringya Zhurnalizmo thay Medie. Ko bersh 2016 Gilda-Nancy Horvath temelingya romane nevipyengi platforma romblog.at, dikhlaripea akate edukativuno programi vash Roma thay Sinti ani Viena. Ko bersh 2017, sine kuratora e kespozitaki “Romane Thana” ko Vienako muzeyo. Oy pe ayni vaht temelingya vi duy radio stanice vash romani muzika ani Viena: high-live.com thay hood-music.com. Ko bersh 2019 uli Bordesko jeno e ERIAC-esko – Evropako Romano Instituti vash Arti thay Kultura.

 

Zharko Ivanov diplomiringya vash qhibya thay literature ko Filologiako fakulteti ano Skopje, Makedonia. Ko bersh 2006 lela kotor ko Arteko Filmesko Koleji ani Sofia, Bulgaria palo so kompletingya ini o Master studie ko Kulturake Studie ko Universiteti e Skopyesko thay Master ki Rejia e Animime Filmesko ko Universiteti e Audiovizualune Artesko. Aktualipea si PhD kandidati ano filmi thay litraturaki teoria fokusipea pe adaptacia e literarune butyengo ano filmi. Ov si sheruno e Makedoniaka krangako e Mashkarthemutne Animirime Filmeske Amalipasko (ASIFA) thay si sheruno e produkciaka kompaniako “Flip Book” kola produktingya maybut desar 20 harne animirime, dokumentarune thay jivde akciake filmya. Sar rejiseri, oleske filmya sikavdile ko maybut desar 100 festivalya truyal e lumia athay triumfingya maybut desar 15 todine.

 

Lea Wohl von Haselberg studiringya teatro, filmi thay medienge studie ko Goethe University Frankfurt/Main. Hramingya e PhD tema ano Hamburgi thay Haifa vash sikavipe e Yahudienge filmeske karakterengo ani (Ratyoriguni) Germaniake bioskopya thay televizia; publikisalo ko bersh  2016 thay lela Joseph Carlebach Preis kotar Hamburgesko Universiteti. Oy si mediake studiengi skolara ko Filmesko Universiteti Babelsberg Konrad Wolf thay asociripasko jeno e Selma Stern Centrosko vash Yahudienge Studie. Akanipea, kerela buti pe yekh rodlaripasko proyekti ani Germano-Yahudiengi historia. Publikingya  kotora pe teme sar: Yahudyune filmeske kreatorya, anti-semitizmo thay filmi, memoria, kultura thay multidirekcionaliteti ani (audiovizual) memoripaske kulture. Oy si jeno e editorialune bordesko e magazinako Jalta Positionen zur jüdischen Gegenwart.