UORKSHOPI: ANIMIME DOKUMENTARYA

Data: 07  / 12 / 2019 I 10:00 – 16:00
Than: neue Gesellschaft für bildende Kunst, Oranienstraße 25, 10999 Berlin,

Khuven kotar o angluno khuvipe e obyektesko angle

Limitimo akcesi / na si WC vash manusha kolicenca

Pokipe: 25€
filmArche jene, Berlinpass, pensionerya, manusha bi shaipyenca: 10€

O registripe si musayutno: caspar@roma-filmfestival.com

Pe Anglikani qhib

 

Animime dokumentarya shay ovna kost-fektivune droma vash filmeski produkcia thay shay pasinena vash senzitivuno andripe. O uorkshopi ka prezentinel harni teoretikuni introdukcia ani tema, e historia e animime dokumentarengo thay o agorutne trendya. Ka dikha disave filmya e verver temenca sar si politika, arti thay polyengo puqipe. Ko duyto kotor o kotorleyutne kerna harno animimo filmi ano analogy cut-out animaciaki teknika. O sah manglo materiali sitov sigurimo.

 

Uorkshopesko phiravno:  Zharko Ivanov, komisiako jeno 2019

Zharko Ivanov diplomiringya vash qhibya thay literature ko Filologiako fakulteti ano Skopje, Makedonia. Ko bersh 2006 lela kotor ko Arteko Filmesko Koleji ani Sofia, Bulgaria palo so kompletingya ini o Master studie ko Kulturake Studie ko Universiteti e Skopyesko thay Master ki Rejia e Animime Filmesko ko Universiteti e Audiovizualune Artesko. Aktualipea si PhD kandidati ano filmi thay litraturaki teoria fokusipea pe adaptacia e literarune butyengo ano filmi. Ov si sheruno e Makedoniaka krangako e Mashkarthemutne Animirime Filmeske Amalipasko (ASIFA) thay si sheruno e produkciaka kompaniako “Flip Book” kola produktingya maybut desar 20 harne animirime, dokumentarune thay jivde akciake filmya. Sar rejiseri, oleske filmya sikavdile ko maybut desar 100 festivalya truyal e lumia athay triumfingya maybut desar 15 todine.