SIKAVIPE ANO SKOLE: “O MARIPE NA BISTERGYA MAN PANDAR”

Filmengo sikavipe ano skole thay diskusia e manushea kova jivdingya o Samudaripen Zoni Weisz

Data: 06  / 12 / 2019 I 9:00 – 10:30
Than: Moviemento, Kottbusser Damm 22, 10967 Berlin

Bizo pokipe
O registripe si musayutno: viktoria.hofer@romatrial.org

Pe Germanyuni qhib

Sar kotor e AKE DIKHEA? Festivali e Romane Filmesko ka adikergyol filmengo sikavipe vash skolake klase ani tema “Sinti thay Roma ko Duyto Lumiako Maripe “, phiravdo e diskusia e manushea kova jivdingya o Samudaripen Zoni Weisz thay rejiseri e MOUSIE, David Bartlett.

 

FILMYA:

 

Piktoripe: Gabi Jiménez

MEMORIAKE KUTIE

Hamze Bytyçi
Germania, 2019
8′

Zoni Weisz garavgya pere memorie palo phande kabineteske vudara. Palo disave vudara si disave shukar memorie, palo disave numay agonia thay zori. On si ververutne kotar o qhavorikanipe ano vagoni pe deportacia e oleska familiako vash ano Auschwitz jip e undripya vash olesko identiteti. Truyal o bersha, Zoni siklilo sar te lepe akale memorienca. O animimo harno filmi sikavla o procesi kova sine pharo numay bi evitipasko.

 

Piktoripe: Norbert Oláh

… ON NUMAY LENA E KRIMINELEN

Hamze Bytyçi
Germania, 2019
7′

“On numay lena e kriminelen,” phengya Zilli Reichmannesko dat kana o Nacionalune Socialistya arestinde e anglune Sinti thay Romen. E sebepestar kay ov sine fatalipea bango, 95 bershuni Sintizza mothavla olako mothavipe avdive. Ko animirimo harno filmi oy mothavla vash o mudaripe e olaka qhako thay familiako ko gazeske komore ano Auschwitz, olako maripe vash te aqhol jivdi thay jivdipasko mahatnipe palo o Holocaust.

 

JIVINDE

David Bartlett
Y.T., 2019
17‘

Berlin 1936. Hitleri but sig ka phiravel o Olimpiake khelipya, thay o droma “shuzhargyona” kotar o Yahudie thay Roma “Gypsy”. Andar o meripasko Kabarett klubi, efta bershuni romanica Helene garavlape ano dolapi, kola garavgyaola e danserka Katharina koya planirinela te nashel kotar o nacizmo thay te lel e Helena ani Amerika – kote sako si shukar alo, bi lelo pe dikhipe mortyako kolori. Numay e Helena na ka beshel rahati. Darakedi vahs o bi dikhlo, o tikno jivindo dikhla sah – khelavde benge – holame rejisere, alkoholune “neve vahteske Nazi” komediane. Thay o avipe e bi penjarde Nazi rekrutesko, Otto. Dikhipea olesk epre sar nevo-zorakerdo banditi, ov garavipea kerla o nakhipe ki Katarina, numay pandar may baro qhelalipe ajukerlola kana ov arakla e tikne jivinde. NUmay qhavoresko genialiteti thay talenti shay garavnola akana…

 

MISAFIRYA:

Zoni Weisz

… nashalgya pere dadalaren thay phralen phenyen ko vahti e Nacionalune Socializmesko. Palo maripe ulo yekh kotar o penjarne manusha kova lelape luludyenca ani Evropa thay kergya buti vash yekh Holandiaki thagarnipaski familia. Ko bersh 2011 sine angluno reprezenti e Sinti thay ROmengo kova vakergya ko Germanyuno Bundestago vash o suro e Divesko e Pelaripesko pe Godi e Viktimengo e Nacionalune Socializmesko.

 

 

David Bartlett shrdingya piri kariera sar rezhiseri ano BBC – oleski angluni drama sar rezhiseri e peizazhune fotografiako vash Happy Birthday Shakespeare. Olesko angluni drma filmi Nakhipasko Aeroplani sine ani harni lista vash Akademiaki Poqin. Pashe e hit Amerikake showengo sar si Locked Up Abroad, Dangerous Persuasions (oleski epizoda Highway to Hate viyaingya CSC Poqin vash Mayshukar Kinematografia) thay Paranormal Witness vash SyFy, David kergya rezhia e BBCeski sherune vahteski Casualty thay hramingya thay dramatizingya e The Great Train Robbery, The Assassination of JFK thay The Hitler Diaries vash the BBC. David pe ayni vaht hramingya thay kergya rezhia TV Trial of the Knights Templar vash Channel Five thay Granada International, thay anglo harno vahti sine sheruno hramarno thay dramako rezhiseri vash Race For The White House vash CNN thay Netflix.