UORKSHOPI: REFLEKTIPE E FILMENGE FESTIVALENGO

Data: 07  / 12 / 2019, 16:00 – 18:00

Than: neue Gesellschaft für bildende Kunst – Oranienstraße 25, 10999 Berlin
Khuven kotar o angluno khuvipe e obyektesko angle
Limitimo akcesi / na si WC vash manusha kolicenca

Bizo pokipe
O registripe si musayutno: caspar@roma-filmfestival.com

Pe Anglikani qhib (interpretacia pe Germanyuni qhib te isne kay manglape)

 

Vash filmeske festivalya kola si bazirime pe identiteti, shay Romane, Yahudienge, Homoseksualune ose yaver filmeske festivalya, specifikune puqipya iklona phanglo o organizatorya, filmeske programya thay o dikhavne kolenge direktingyova. Kaste sile res o festivali? Thay kole implicitune ose eksplicitune resipea? Kola pakivya ose mangipya si phangle e vizibilitetea? Thay savore yaveripe kerla ko si o godorne manusha palo filmi? Kola si politikune thay estetikune kriterie vash filmengi selekcia?

Skenciake manusha, aktivistya, filmeske kreatorya but ver shay arakhna verver respodipya ko akala puqipya. O uorkshopi dela festivaleske organizatorenge, kulturake butikerdutnenge, medialune profesionistenge thay yaver interesime rigenge o shaipe te reflektinen ko akala puqipya som. Ka oven harne mothavipya thay than vash puterdi diskusia. O fokusi ka ovel pe audiovizualuno vizibiliteti, stereotipya thay identiteteske politike.

 

Uorkshopesko phiravno: Lea Wohl von Haselberg, komisiako jeno 2019.

Lea Wohl von Haselberg studiringya teatro, filmi thay medienge studie ko Goethe University Frankfurt/Main. Hramingya e PhD tema ano Hamburgi thay Haifa vash sikavipe e Yahudienge filmeske karakterengo ani (Ratyoriguni) Germaniake bioskopya thay televizia; publikisalo ko bersh  2016 thay lela Joseph Carlebach Preis kotar Hamburgesko Universiteti. Oy si mediake studiengi skolara ko Filmesko Universiteti Babelsberg Konrad Wolf thay asociripasko jeno e Selma Stern Centrosko vash Yahudienge Studie. Akanipea, kerela buti pe yekh rodlaripasko proyekti ani Germano-Yahudiengi historia. Publikingya  kotora pe teme sar: Yahudyune filmeske kreatorya, anti-semitizmo thay filmi, memoria, kultura thay multidirekcionaliteti ani (audiovizual) memoripaske kulture. Oy si jeno e editorialune bordesko e magazinako Jalta Positionen zur jüdischen Gegenwart.