… THEY ONLY TAKE AWAY THE CRIMINALS /… ON NUMAY LENA E KRIMINELEN

Hamze Bytyçi
Germania, 2019
7′

Bizo pokipe
O registripe si musayutno: veranstaltungen@stiftung-denkmal.de

Original verzia e anglikane titrenca

“On numay lena e kriminelen,” phengya Zilli Reichmannesko dat kana o Nacionalune Socialistya arestinde e anglune Sinti thay Romen. E sebepestar kay ov sine fatalipea bango, 95 bershuni Sintizza mothavla olako mothavipe avdive. Ko animirimo harno filmi oy mothavla vash o mudaripe e olaka qhako thay familiako ko gazeske komore ano Auschwitz, olako maripe vash te aqhol jivdi thay jivdipasko mahatnipe palo o Holocaust.

 

©Stephanie Ballantine

Hamze Bytyçi si mendiengo thay teatraluno pedagogo, rejiseri, performeri thay jeno e Mashkarthemutne Romane Filmeska Komisiako. Biyasalo ano Prizren, Kosova. Ko  bersh 2005 agoringya e Aktripaski Skola ano Freiburg thay gelo te jivdinel ano Berlin ko bersh 2006 palo yekh bershuno angazhipe ano teatro ano Cirih, Zvicra. Mashkar yaver performinela ko Maxim Gorki Teatro ano Berlini thay Ballhaus Naunyenstraße. E bershestar 2012, ov si direktori e amalipasko RomaTrial, kote kerla buti sar artistikuno direktori ko buderi formatya: Ko bersh 2017 ov inicingya o AKE DIKHEA? Festivali e Romane Filmesko, ko bersh 2018 ov sine som-kuratori e Angune Romane Bienelako NIKYOV AVRI AKANA! Ko olesko live show Hilton 437, ov vazdela socialune thay  politikune puqipya sar deportipe kotar e Germania ose diskriminacia e Romane minoritetesko. Ko ternenge proyektya sar Radio Çorel ose mashkarthemutni nilayuni skola vash filmya Balkan Onions, dela phiko terne romenge vash te arakhen olengi artistikuni ekpresia. E bershestar 2016, si kotor e Berlineske bordesko ani partia Die Linke.

Rejia: Hamze Bytyci
Teksti: Kristóf Horváth
3D Animacia: Norbert Oláh
Animacia & Piktoripe: Hannah Stragholz & Simon Steinhorst
Naracia: Zilli Reichmann
Avazo: Marcus Zilz
Muzika: Dragan Cordes
Produkcia: Caspar Schleicher, RomaTrial

SHOYUNO DIVE, 18:00, e P&R e ekipa