WE, QUEER ROMA: VALENCIA / AMEN, O UNDRIME ROMA: VALENCIA

László Farkas
Hungaria / Shpania, 2019
10’

Tickets  

Original verzia e anglikane titrenca

Te ove rom. Te ove undrimo. Sar si kana jivdinea ko mashkar e mayhari duy identitetengo? Sar si te ove minoriteti andar minoriteti? “Amen, o undrime roma” si o rodipe vash respodipya; filmi kova fokusingyola ano mediengo reprezentipe e LGBTQI Romengo. Ani angluni epizoda, Shpaniako aktivisti Demetrio Gómez thay Rosa María Quiroga Ramírez vakerna vash olenge pharipya, suksesya thay o jivdime eksperience ani olengi diz, Valencia. Prekal Demetriosko mothavipe amen la yekh dikhipe kotar Valenciaki Kritikaluni parada. Prekal reprezentipe e realune avazengo e lokalune LGBTQI komunitetengo, Valencia Kritikaluni Parada ofertinla alternativa vash o komercializime, generalune Paradake ovipya.

 

(c)Stephanie Ballantine

László Farkas aka Gypsyrobot si Hungariako mediako producenti, DJ thay Romano LGBTQI aktivisti. Ov si sheruno organizatori e Roma LGBTQI Paradako ani Budapesta, so inspiringya buderi yaver mahatne romane LGBTQI Paradake iniciative ani Evropa. Ov shrdingya thay kergya rezhia e Undrime Roma mediengo proyekti khardi “QRTV Europa”. Lela eksperienca ani komunikacia, filmi thay mediengi produkcia ko yekh HUngariako maybaro televiziako kanali thay sar socialune medienga ekipako lideri e mediaka agenciako. Baziripea pe oleski iniciativa, hashtagya thay QR kodya testisale thay vastisale ko Hungariake televizie vash angluni ver. Ko bersh 2014, Lela e Certifikata vash Palikeripe kotar Dr. Varga Jozsef Hungariaako Ruralune Talentesko Inkuraipasko Programi sar “ekzemplari vash karierako shrdipe”. Mashkar 2015 thay 2017, sine kotor e online zhiriako ao digitalune mediengo poqin vash maypanjrdi Hungariaki kreativune komunikaciaki magazina, Kreativ.hu. László Farkas nominisalo vash Hungariake Romane Mediake Centresko Poqin khardo “Aranypánt-díj” kova dengyola suksesune Hungariake romane ternenge. Ko bersh 2018, ov sine yekh kotar o artistya e Roma Biennale ano Berlin.

 

Rejia: László Farkas
Kamera: Samuel Sebastian
Avazo: Roland Kiss
Montazha: Samuel Sebastian
Muzika: Granada Boada
Produkcia: László Farkas, Samuel Sebastian

 

SAVATONE DIVE, 18:30, e P&R e rejiserea thay e sherune protagonistea