THE LAST HOPE OF VĚRA BÍLÁ / AGORUTNO PAKIV E VERA BILAKO

David Vondráček & Roman Šantúr
Qekiaki Republika, 2018
52‘

Tickets  

Original verzia e anglikane titrenca

©CzechTV

Penjardi romani gilavni Věra Bílá gatisargyola vash spektakularuno iranipe, kana o shokiripakso ovipe aqhava o probe hari bi shrdimi o phiripe ani Norvegia. Ko shrd e mileniumesko Věra Bílá sine yekh penjardi gilavni kotar Qekiaani lumia. Olako koncerti ani Olympia, ano Prisi bikisalo sahipea. Gilavgya amerikake presidenteske bill Klinton ano Parno Kher. Vash o albumi khardo Rom Pop, rekordimo e Rokycany band Kale. Věra triumfingya e poqin “Bershesko albumi” ani kategoria e “Lumiaki muzika” ani Franca. O paluno shaipe vash te dikyol jivdi ani skena sine anglo desh bershpalo odova fokusisali ano komoreske aparatya ani Rokycany pe than kay te gilavel ani Royal Opera ano Madrid thay Carnegie Hall ano New York. Palo olake romesko thay qhavesko meripeVěra peli ani depresia. Sinela finansiarune problemya thay jivdinela pe socialuno kher. Anglo duy bersh ofertisalo olake te gilavel e grupa khardi ‘Džino Rom-Rock’ kote o grupako sheruno Dušan “Džino” Čonka tentingya te kombininel romano folklori thay hard rock. Palo disave phare bersha palem arakla o qaqipe e jivdipasko, gilavipe. Palo duy bersha e phare jivdipasko Džino thay Věra kerna muzika ani publika. Sine gatisaripea vash koncerti ani Norvegia. Palo sah, yekh bi ajukerdo thay shokiripasko ovipe aqhavla akala planya… Ko agor e mayesko 2019 o dokumentari triumfingya Specialuno Jiriako Penjaripe ko Prix Circom, kompeticia e butyaki e regionalune publikune TV studiongi. Qhelalipea e Věra Bílá na sinela shaipe te festinel akava suksesi e autorenca. Duy masek anglo akava, ko 12to mayi 2019, muli. Sinela 64 bersha.

 

©CzechTV

Roman Šantúr kergya buti ano medie ani Slovakia thay Qekiaki Republikasar e bershestar 1993. Kerla buti thay jivdinla para familia ano Prag e bershestar 1999. Sar e 2002 bershestar si kamermani thay direktori e zhurnalismesko ani Qekiaki Televiziake zhurnalya thay TV dokumentarya.

 

©CzechTV

David Vondráček biyamo ko bersh 1963 ano Marianske Lazne, Qekoslovakia, si zhurnalisti, redaktori, hramarno thay rezhiseri, kova kergya anav andar Qekiaki TV e buderi filmenge portretenca mashkar 2001 thay 2008 – e Stanislav Drobný, Zdeněk Neubauer, Věra Bílá, Josef Masopust, Dana Němcová thay Jan Sokol – thay disave but zorale dokumentarya. O agorutno, Mudaripe ko Qekikuni drom, fokusipea ani zoruni deportacia e Sudeten Germanyengo kotar palo maripaski Qekoslovakia, triumfingya rezhiako respekteski poqin vash mayshukar audiovizualuni buti vash 2010 thay Franz Werfel Mansharthemutni Manushikane Hakayengo Poqin. Rekordimo vash nesave bersh, David Vondráček esko zoralo vijayutno dokumentari Kamipe ano limori (2012) rekordinla o jivdipe e Jan thay Jana,bi kheresk pari kola arakhna than ko Pragoske limorya ani tikni diz Strašnice.

 

Rejia: David Vondráček & Roman Šantúr
Teksti: David Vondráček
Kamera: Roman Šantúr
Avazo: Milan Sýkora
Montazha: Roman Šantúr
Produkcia: Lenka Poláková, Czech Television

 

PURANO KURKO, 18:00