MARGINA

Ljupcho Temelkovski
Makedonia/Germania, 2015
82‘

Tickets  

Original verzia e anglikane titrenca

 

MARGINA si yekh intimatuno tasviri ki Menaneski familia, kova jivdinela pe agor e Evropake amalipasko ano Makedonia. Akava dokumentari resela yekh qalavdi thav mashkar o individualuno mothavipe thay e globaluni struktura e na hakayipaski, qhelale vastipaski thay racizmeski, so dela zori buderi manushenge te nashen olenge kherendar. Bizo puterdo patosi o filmi sikavla sakodivuno familiako jivdipe, karakterizimo kotar socialuni marginalizacia, racistikuni diskriminacia thay ekonomikuno pharipe. Sar buderi romane familie ano regioni, e fmailia musay te kerel poro jivdipe prekal qhinipe e kashtengo vash olenge na romane mahale. Buderi scene si phare te dikhyon sar o sebepi e strikturalune thay but ver na jande verbalune zoresko. Pe rodipe e mayshukar jivdipasko, e familia decisinla te arakhel drom ani Germania, vash te roden azili thay nakhen o yevend ekya.

 

©Philipp Fröhlich

Ljupcho Temelkovski biyasalo ko bersh 1979 ani Makedonia. Agoringya o skoluipe ano umal e fotografiako, video arti, narativuno filmi thay generativuno arti. Vash socialuno angazhipe prekal oleske proyektya. Ljupcho lela stipendia kotar Rosa Luxemburg Foundation. Oleski buti sikavdili ko verver nacionalune thay mashkarthemutne festivalya thay ovipya. E bershestar 2016 kerela buti sar socialuno butikerno, dela phiko e romane familienge kotar ratyo-disyoriguni Evropa.

 

Rejia: Ljupcho Temelkovski
Teksti: Ljupcho Temelkovski
Kamera: Ljupcho Temelkovski
Avazo: Aleksandar Kovachevski
Montazha: Mechthild Barth, Ljupcho Temelkovski
Rolya: Menan Rapovski, Djeljan Abduramanova, Bajram Ajredinov, Armin Ajredinov, Djenifa Musa, Rezmie Rapovska
Produkcia: Ljupcho Temelkovski & UdK Berlin

 

SAVATONE DIVE, 21:00, e P&R e rejiserea