AKE DIKHEA? FESTIVALI E ROMANE FILMESKO 2017

AKE DIKHEA? POQIN & PUBLIKAKI POQIN

AKE DIKHEA POQIN: QEKYA MAMUY QEKYA

Soske amen na kama? Si akava te shungyova may uqe? Si te kreieina amaro identiteti? Shay na kama kotar e dar – dara kotar o bipenjardo? Akala bazikune puqipya e amare vahtesko sip e ayni vash o sherune puqipya e hramarnesko thay rezhiseresko Tomáš Kratochvíl kova rodlarela pe akava shukar filmi kotar zoralipea kontrinela oleske dadalarengo thay papolarengo racistuno pratsav. Ov ingarela poro rodlaripe yekh bajako may angle kana khuvela pe ayeka khardo “Romano geto” ani diz Ústí nad Labem. Konfrontipea o problemya sar si o ekstrem sasta rigake, Neo-Nazistya, bi kamipaske krimya, strukturaluno racizmo, segregacia, izolacia, Romani emancipacia thay identiteti ano Qekiako amalipe akava filmi resla te sikavel o realiteti kova si odote.

PUBLIKAKI POQIN: ROMANO VILO

Harri Stojka, penjardo Austriako jazz-isti, gelo ani India vash “te arakhel poro origina”. Pe fakti olesko sheruno res sine te penjarel Indiake muzikanten thay te bashalel olenca. Olesko mangipe si te dikhel kobar si pashe Indiaka muzikaki kultura oleske andrune muzikake shunipea. Sitov but interesantno te dikhen kobar sig on arakhle olengi som harmonia.

AKE DIKHEA? Festivali e Romane Filmesko

October 19 – 22, 2017
Moviemento, Berlin, Germany

AKE DIKHEA? si yekh mashkar themutno festivali e Romane filmesko pesuroe panjto bershesko e inauguraciako e Memorialesko e Sinti thay Romane Viktimengo e Nacionalune Socializmesko ko oktobri 2017 ano Berlini. Prezentinla e Berlini, Germania thay Evropa prekal e perspektiva e Romane manushengi: Kola filmya may shukarre prezentinena e Romen, kola si may mahatne teme, sar o Roma dikhena korkore peste, sar on mangena te oven dikhle?

Palo baro gendo e proyektengo vash “deipe e Romane manushenge than vash mothavipe e pere mothavipyengo” akana yaverina o khelipe: Na manga tekera nays vash deipe e avazesko. Amen manga te kreirina amaro than thay te decisina korkore phanglo e festivaleski forma thay andripe.

#AKEDIKHEA Festival Trailer

SASTIPE: Artistikuno Direktori & Phikodeyutno e festiveleske

Bahtalo dive, Romalen,

kamle amala e shukar filmengo,

siyum but bahtalo te prezentinav tumenge e broshura e angluna ediciaki e Romane Filmeske Festivalesko AKE DIKHEA? Akale dromea, sar jeno e Komisiako e Mashkarthemutne Romane Filmesko thay sar manush kova beshla anglo thay palo kamere, musay te phenav kay janava shukar e fotografiako zoralipe. Odoleske, amare programesko anav AKE DIKHEA? thay o Filmesko Festivali si unikat soske o Roma kotar e sah Evropa propozinde filmya vash festivalesko programi. Thay sherunipea sine Romane filmeske producentya kola decisinde pe filmengi selekcia.

Shay ovla kay palo festivali, ka janen may hari vash o Roma desar may angle. Shay akava si shukar shey: Tumen ka dikhen filmya vash individualune manusha, na vash supozimi grupa, na vash o Roma. Odoleske, mangava savorenge stimulativuno proyektipe/sikavipe thay shukar vahti!

Hamze Bytyci

Artistikuno Direktori

Kamle dikhavne andre,

O Roma thay Sinti sine kotor e Evropake amalipasko vash mileniumya, thay on dena forma e Evropaka kulturake, sar sako yaver. Palo sah, ji avdive on sikavdile pe na adekvatuno drom thay sherunipea stereotipea ani literatura thay ko paluno vahti ini ano filmya thay yaver medie. Ji avdive, qhelalipea, o filmya rekordingyona bi pherde o mangipya e na-stereotipikune thay yekhune treteripasko.

Romane Filmesko Festivali AKE DIKHEA? sikavla kay o butya si yaver. Sikavla o filmya kola kritikipea reflektinena thay resea perevela o antikune klishé. Ano angluno rendo si manushikani buti, thay pe duyto avela o Roma. Akalea o AKE DIKHEA?, sikavela standardya. Sah vizitorenge mangava shukar vahti e verver programea thay organizatorenge suksesi!

Dr. Klaus Lederer

Senatori vash Evropa thay Kultura, Phikodeyutno e festiveleske AKE DIKHEA?

Festivaleske komisia

FACEBOOK & TWITTER