Hamze Bytyci

Posted on

Hamze Bytyci biyasalo ko bersh 1982 ano Prizren/Kosovo, akana ov kerla buti thay jivdinela ano Berlini. Ko bersh 1989, oleski familia migringya ani Germania. Sar e ohto bershestar ov kergya anglune bajakya sar aktivisti ko Krequno 1990 ani azileski khangeri ano Tübingen, kote oleski familia marlape sine mamuy olengi deportacia. Diplomiringya ani arteski skola ano Freiburg ko bersh 2005 thay putergya o amalipe Amaro Drom. Palo yekh bersh buti ano Zürich e bershestar 2006 jivdinela ano Berlini. Kerela performance ko Teatro Maxim Gorki, Ballhaus Naunynstraße sar vi ko tikne teatrya. E bershestar2007, kerla buti sar teatresko thay mediengo pedagogi honorarea ko ververutne Berlineske skole. Ko bersh 2012 putergya o amalipe RomaTrial, thay mashkar yaver phiravela o online Radio Corel thay organizinela mashkarthemutne nilayeske filmeske skole tali grupa Balkan Onions. Ko bersh 2012 evolviringya oleski interaktivuni performansa e formateski Hilton Room 437 kote ov vakerla vash social thay politikune puqipya. E bershestar2014 kerela studie vash dokumentaruno filmi ani korkori-organizimi shkola filmArche Berlin. Ko bersh 2017 ov organizinela angluni ver o AKE DIKHEA? Romane Filmesko Festivali.