Eszter Hajdú

Posted on

Eszter Hajdú si filmeski rejisera, sociologa thay profesora bazirimi ano Budapest thay Lisboni. Anglo olaki kariera sar filmeski rejisera oy kergya buti sar shurnalista. Olako angluno dokumentaruno filmi My Own Private, Tarnabod (2006) sikavla e bizo kherenge familien kolenge dendilo shansa te shrden o jivdipe shrdestar ano gav Tarnabod, 120 km dur e Budapestatar. Akava filmi triumfingya poqinya ko Hungariake thay Mashkarthemutne filmeske festivalya ko bersh 2006. Olako filmi kova lela poqin The Fidesz Jew, the mother with no sense of nation and mediation/ E day bizo sensi e naciako thay palikeripasko (2008) sine may provokativuno thay may dikhlo dokumentaruno filmi ani Hungaria ko bersh 2008. O filmi sikavla o amalipe ani Hungaria palo o bersh 1989 rezhimesko yaveripe, kote e polarizimi politikuni atmosfera rezultingya bare ulavipya mashkar o amala thay familie. O antagonizime partie iringyona pe mashkarkhuvipaske tehnike vash te resen halovipe. E premiera e olake filmesko Judgment in Hungary/ Krisipe ani Hungaria vash o krisipya e regularune romenge mudaripyengo lela kotor ko 26-to Mashkarthemutno Dookumentarune Filmesko Festivali Amsterdam. O filmi vijaingya 19 mashkarthemutne poqinya thay sikavdilo ko 40 rashtre.