Alex Gerbaulet

Posted on

Alex Gerbaulet biyasali ko bersh 1977, jivdinela thay kerla buti sar artista, filmeski producerka thay rejizeri ano Berlini. E bershestar2008 lela buderi butikeripasek stipendiye thay poqinya. Odolestar madam kerla buti sar sikavni ani Akademia e Vizual Arteski Braunschweig thay Arteski Akademia Kassel, oy si kotor e selekciaka komisiako vash DOK Film Festivali Kassel thay Evropako Media Art Festivali ano Osnabrück. Ko bersh 2017, oy isne mentora vash Harne Filmengi Stanica ano rami e Berlinale Talentya thay komisiako jen ovash Puterdno Rameski Poqin / GoEast Festival. E bershestar2014, kerla buti sar autora thay producenti ko pong film GmbH. Akana oy odote produktinela ueb serie Kinshasa Collection (Rejizeri: Dorothee Wenner) thay kerla buti pe nevo harno filmi. Olako paluno harno filmi Schicht (2015) sikavdilo buderipea ko verver festivalya thay lela ververutne mashkarthemutne poqinya. Olako aktual harno filmi Tiefenschärfe (2017 som e Mareike Bernien) premierisalo ani kompeticia vash Mashkarthemutne Dive e Harne Filmengo Oberhausen 2017.